رواية شيقة جدا الفصول من العاشر للثاني عشر بقلم الكاتبة الرائعة

عرفوا موضوع القرض لأني أنا اللي غصبتهم يعملوا توكيل لناصر بميراثهم وهددتهم أني هاغضب عليهم لو مكبروش بأخوهم الراجل وكمان من ورا أجوازهم ودلوقتى هما خايفين على خړاب بيوتهم وبيقولوا أن أنا السبب وأنى طول عمرى مفضله هوعليهم وضيعت حقهم فى الأول والأخر.
نهى متلعثمة طيب ما أنت برضه اللى صممتى أعمله توكيل.
دعاء زاجرة وهي توكز كتفها پعنف خوفا أن تفلت خيوط دميتها من يدها أيه عايزة تقلبى عليا أنت كمان طيب هما خايفين من أجوازهم لكن ده جوزك وولى أمرك وطبيعى تسلميه حالك كله بخبث وبعدين سمر وسحر مالهم بالبيت هما متعززين فى بيوتهم مع ولادهم أنت اللى هتطردي بولادك من هنا يعني أنت اللى لازم تتصرفى بس قولى يارب تعرفي تقابليها وتتصرف لك قبل ما تخلص مهلة البنك.
نهى مستسلمة هو أنا هاقابلها فين
دعاء راضية لإستعادتها لخضوعها لها فى شغلها الحمد لله أني جبت عنوانه لما بعت لها المحضر على هناك آمرة أوعى حسك عينك تجيبي سيرتى ولا أوعي تقولي لها أن أنا اللى أديتك العنوان ولا أني عارفة أنك هتقابليها كفاية قوى أن جيت على كرامتي وهسيبك تروحى لها.
أومأت برأسها ببطء وهى تحبس دمعتها فحماتها تصون كرامتها وتبعث بها لأمرأة لطالما منعتها من محادثتها تستجديها دون اعتبار لكرامتها هي ولكن منذ متى كان لها كرامة فمنذ ۏفاة والدتها وهي ابنة ست سنوات كان والدها يتركها ببيت عمها لحين عودته وكانت زوجة عمها تجبرها على خدمة ابنها المدلل وتحمل إهاناته وعندما كان يقسو عليها فتذهب باكية لجدتها كانت تعنفها وتضحك وهى تقول ده الحيلة ديك البرابر حتى تعودت على خدمته وتحكماته لتصبح بلا كرامة مجرد جارية فى حاشيته مثلها مثل شقيقاته لتصبح بعد ذلك وبعد ۏفاة والدها جاريته الوحيدة بعد زواج شقيقاته وزواجه هو منها.
قطعت حماتها عليها أفكارها عندما أمتدت يدها إليها تلكزها وهى تقول هى يابنتى رحتى فين آمرة جهزي نفسك واتصلي بشغلك خدي بكرة اجازة ونامي بدري عشان تروحي لها الصبح بدري يمكن ترجعي بالفلوس ونخلص من الهم ده مھددة وبقولك من دلوقتى متديهاش ودنك دى ست حقودة وكدابة تسمعى لها من ودن وتخرجى كلامها من الودن التانية المهم تشوفى هتقدري تجيبي منها ايه ولو لك عند الكلب حاجة قوله يا سيدي.
في الصباح الباكر أمام احد المباني الحكومية.
وقفت نهى تتطلع حولها بارتباك وزفرت بتوتر وهي ترى ابتسام آتية باتجاهها لتلاحظها ابتسام بدورها لتنظر إليها للحظة بدهشة ثم نطق وجهها بكل آيات السعادة والحنو وهى تهرول لإحتضانها وهي تهتف نهى حبيبة قلبي زادت من ضغطها فى حضنها أنا مش مصدقة نفسي ياه ربنا أستجاب لدعاي وشوفتك تاني أخرجتها من حضنها يا خبر فرحتى خليتني نسيت أن احنا في الشارع استنيني هنا خمس دقايق أخد النهاردة أجازة وأرجع لك علطول نروح نقعد في حتة براحتنا تركتها مهرولة ثم التفتت بسرعة وبلهفة استنيني أوعي تمشي دقيقة وراجعة.
زفرت نهى براحة لمعاملة ابتسام الودودة وسعادتها بهذا القدر لرؤيتها فهذا قد يخفف من حرجها حين تبدأ في الحديث بالأمر الذي أتت من أجله عاد توترها وهي ترى عودة ابتسام السريعة وكأنها كانت تخشى مغادرتها لتقوم باصطحابها لشقتها الجديدة دون أن تجرؤ نهى البدء بالحديث.
ابتسام سعيدة وهي تتقدمها للشقة نورتيني يا نهى كنت خاېفة أنك تمشي وحشتيني قوي يا قلبي.
نهى خجلة من حفاوة تلك المرأة متشكرة جدا بصراحة أنا كنت خاېفة أن حضرتك تضايقي لما تشوفيني لأن أخر مرة ساعدتيني اتسببت لك بمشاكل كتير لحد ما سيبتي البيت.
ابتسام معتذرة أنا لو نادمانة على حاجة يبقى أني سكت طول الفترة دي ومساعدتكش من زمان وأنا شايفكي بتتبهدلي قدامي بس اعذريني يا بنتي ڠصب عني والله أنت متعرفيش دعاء عملت في أيه زمان لما حاولت أساعدك.
نهى بحزن وهي تجلس بجوارها على الأريكة لا عرفت يا طنط بعد مساعدتك لي بفترة قابلت جارتنا القديمة طنط منى وحكيت لي عن صداقتك أنت وماما والفضايح والمشاكل اللي سببتها لك مرات عمي لما حاولتي تتكلمي مع بابا عشاني.
ابتسام حزينة والله يا بنتي ما منعني عن مساعدتك الا الشديد القوي حماتك مفترية وأنا وحدانية ومليش ضهر حتى الحاج مهدي اللي حكمته مابينا حرج علي أرجع المنطقة وأحاول اتصل بيكي وقالي هما أهل في بعض والداخل مابينهم خارج ومعرفتش أتواصل معكي بره المنطقة لأنهم عزلوكي عن العالم كله ومحدش يعرف عنك حاجة حتى مكان شغلك كل اللي أعرفه أنك بتشتغلي في الشهر العقاري لكن أيه وفي أي منطقة معرفش بدهشة بس أنت عرفتيى مكان شغلي أزاي.
نهى مرتبكة طنط منى جارتتنا هي اللي قالت لي على مكانه لما حكيت لي على اللي حصل زمان متلعثمة ولما وقعت فى مشكلة قلت آجي لحضرتك يمكن تقدري تساعديتي.
تطلعت ابتسام اليها للحظات شعرت فيها نهى بالخزي وأخفضت نظرها أرضا لتغوص به اكثر عندما وجدت يد ابتسام ترفع وجهها لتتلاقى أعينهم وهي تقول بهدوء دعاء بعتتك ليه طمعانة في أيه تاني وربتت عليها باهتمام ومشكلة أيه اللي أنت فيها 
سلمى مذعورة من تنبيهات حماتها التي فشلت في المحافظة عليها أنت عرفتي منين ونفت جازمة بحدة لا مش حماتي اللي بعتاني توقفت للحظة وعند اول حرف نطقته متابعة كلامها اڼفجرت پبكاء مفاجأ وظلت لبرهة متنهنهة ببكاءها واكملت من خلال دموعها ونحيبها أنا أسفة أني ضايقتك بس والله أنا ما طمعانة فيكي ولا حاجة أنا هامشي واسفة تاني.
بمجرد أن قامت عن الأريكة وجدت نفسها مجذوبة لاحضان ابتسام التي احتوتها بحنان وهي تربت عليها بحب
ابتسام بحنان بس يا عبيطة طمع أيه أنا بتكلم عن العقربة حماتك لكن أنتي تاخدي عيني ومتغلاش عليكي أنا بس لما لاقيتها بعتتك وخليتك تكذبي وتقولي أن منى هي اللي بعتتك وهي متعرفش أني لسه منقولة للشغل ده جديد بعد ما علاقتي بمنى انقطعت من سنين ودعاء هي بس اللي عرفته لما حبت تأذيني وتبعتلي المحضريين هناك وكمان أنا عارفة أنك مش بتعرفي تتحركي الابإذنها هي والمحروس ابنها وانها طول عمرها كانت محرجة عليكي تتكلمي معاها عشان كده أتأكدت أنها بعتاكي تستغلك زي ماتعودت.
غاصت أكثر باحضان ابتسام ډافنة رأسها باحضانها لا تجروء على مواجهة عينيها بعد أكتشافها لكذبها وحقيقة المهمة المخزية التي أتت من
اجلها وقالت باكية بغصة أنا والله جيت لأني في مصېبة مش لاقيالها حل بس كنت هارجعلك أي مساعدة هاخدها منك أنا لا ڼصابة ولا شحاتة.
أخرجتها ابتسام من أحضانها بهدوء وهي تقول أنا مش هازعل منك المرة دي لأنك متعرفيش انتي عندي أيه وقبل ما أقولك أي حاجة لازم تعرفي أن أي حاجة محتاجها لو اقدر عليها هاعملها من غير تفكير يمكن أكفر عن ذنبي واسد دين في رقبتي لأني منفذتيش وصية أمك الله يرحمها.
نهى وهى تحاول وقف نحيبها ربنا يخليكي أنت طيبة قوى غريبة أن في حد ميحبكيش.
ابتسام بمهتمة أهم حاجة دلوقتي أعرف ورطتك فى أيه