رواية نوفيلا الفصل الرابع والخامس والسادس بقلم الكاتبة الرائعة

ده انتم مش فاهمين حاجة.
حياة بحيرة أيه اللي احنا مش فاهمينه!
مصطفى بثقة أقدر أقولكم أن سهير كده عارفة في حالة زى دي رد فعل سامى هيبقى ايه وده اللى موترها كده
نظرت له سهير بدهشة الهذه الدرجة اصبح يفهمها.
لتسألها حياةت الكلام ده صح يا ماما أيه اللي أنت متوقعه وموترك كده أرجوك بلاش أسرار تانى المرة دي بجد مش هسامحك لأن دلوقتي كبيرة ومن حقي اعرف اللى بيدور حواليا.
سهير بتردد لو رحتى قلتى لماجد على عرفتيه وطلبتي منه تكتبوا الكتاب وترجعوا لي فلوسي وطلع مش قد ثقتك وقال لسامي وأتاكدوا ان كل حاجة راحت من أيديهم سامي هيخليه يوافق ويكتب عليكي ويأما ټموتي في حاډثه قبل ما أبتدي أنا في إجراءات استرداد أملاكي أو هو يعمل فيكي اللي هددنى أنا به زمان بس المرة دي هيلعبها صح.
حياة بحيرة يعني أيه.
سهير بتلعثم وهى تنظر للأرض لا تقوى على مواجهتها بما تتوقع هيوضبلك قضية ژنا صح مفيهاش غلطة مش مجرد ټهديد ويحبسك فعلا ويساومني على براءتك بالتنازل عن كل أملاكي.
حياة باستنكار لا طبعا حضرتك ما تعرفيش ماج هو لا يمكن يعمل كده.
احمد پحده ليه بقى الولد سر أبيه اللى خلى ابوه يعمل كده فأخته أنت يادوب بنت عمته.
حياة بانفعال من فضلك يا دكتور أنت متعرفش ماجد عشان تتكلم عنه كده. 
مصطفى بحزم أحمد متزعليش يا حياة أحنا أسفين دي حياتك بس بجد ده من خوفنا عليكي أنا أنخدعت مرة وأتسببت فى أذية سهير وحرمانها منك وعشان كده كلنا مصدقنا أنك رجعتي لها وخايفين من أى حاجة تفرقكم لأن سهير تعبت أوى فى بعدك.
حياة بضيق خلاص يا عمى مفيش مشكلة لكن محدش يتكلم على ماجد مش معنى أن خالى ظالم يبقى ماجد زيه طيب ماهى ماما أخته وعكسه تماما.
أحمد باعتذار أنا أسف يا حياة. 
سامح بجدية طيب نرجع لموضوعنا بالنسبة للاحتمالين أنا بستبعد موضوع القتل أولا لأنك أنت وأبوها هتورثوا معهم وهما عايزين كل حاجة وكمان لو سأل محامى هيقلوا أنك مش محتاجة أي إجراءات لأن لما راجعتي معايا العقد في التليفون الصيغة اللى أنا ملتها لك كانت بتمكنك من إنهاء العقد بمجرد الإخلال بالشروط بدون الحاجة لرفع دعوى قضائية يعنى أول ما بنتك تمضى على قسيمة جوازها وهى أقل من 18 يبقى كده كل حاجة رجعت لك وتروحي القسم تطلبى الأستلام علطول.
حياة بضيق أنتوا بتتكلموا وكأنكم متأكدين أن ماجد مشترك مع خالي وكمان هيرفع قضية ژنا. 
سامح بإيضاح لا يا حياة أحنا طلبنا منك تخلى كتب كتابكم بدرى ولو رفض يبقى في احتمال أنه عارف وبرضو ممكن يرفض من غير ما يكون متوطئ يعنى ممكن باباه يرفض. 
سهير بحيرة طيب واحنا هنفرق أزاي.
حياة بتلقائية خلاص نأجل الجواز لغاية ما أكمل واحد وعشرين سنة وأبيع لك كل حاجة وده هيبقى أكتر أثبات على نية ماجد.
سهير پذعر لا أوعى تتكلمي في تأجيل الجواز يوم واحد.
حياة بنفاذ صبر أيه هو اللي أنت متوقعاه يا ماما.
سهير بتوتر هيخلي أبوكي يبقى وكيلك ويغصبوكي ويزوروا وهما متأكدين أنك مش هتبلغي عن فاروق ويجوزك ماجد لو متفق معهم و لو طلع جدع زى ما أنت بتقولي كتابك هيتكتب على أي حد من الغفر او رجالة سامي وبرضه هيعمل فيكي اللي هو عايزه.
حياة باندفاع وهو بابا هيرضى يجوزني من غير موافقتي. 
نظرت لها سهير نظرات ذات مغزى فشعرت بالم يعتصر قلبها وقد علمت أجابة سؤالها
سامح بهدوء طيب كده في قدامنا حل واحد يجمع ما بين الحلين بس فكروا فيه كويس.
حياة بفضول أيه هو يا عمو.
سامح بتردد يتكتب كتابك دلوقتى فعلا على حد من طرفنا أحنا بشكل صوري على الورق بس لغاية ما تكملي واحد وعشرين سنة وده يلغى التنازل وكمان يحميكي من تحكمات سامي وأنه يجوزك حد من طرفه وبعد الواحد وعشرين لو كان ماجد مستنيكي وعند حسن ظنك تطلقي وتتجوزوا.
سهير بفزع أنت أتجننت يا سامح عايز بنتى تتجوز حد من الشارع وتربط حياتها به ثلاث سنين وتطلق وتتحسب عليها جوازة. 
سامح صائحا مين قال من الشارع وبعدين مش أحسن ما تتجوز غفير سامي اللى هيخلص منك القديم والجديد من بنتك حسب توقعاتك أنت.
حياة بهدوء أستني بس يا ماما ربط حياتي مش مشكلة أنا عن نفسي كنت عايزة أتجوز بعد التخرج ووافقت بس عشان خاطر ماجد. لكن لو زى ما بتقولى هيجوزنى حد من طرفه غير ماجد يبقى الأحسن يبقى من طرفنا وطبعا مش هيبقى جواز وأنا معنديش شك فأن ماجد هيستناني بس هنجيبه منين الجوز الصوري ده. 
سهير بانفعال والمفروض أنك هتروحي تطلبي أيد العريس ولا ندفع له المهر ونضمن منين