رواية رهيبة الفصول من الثامن والثلاثون الي الثاني والاربعون بقلم الكاتبة الرائعة

فيا وانا ان شاء الله هحميكي من أي ألم حتى لو هتحمله انا عنك 
سلمى 
_واثقة فيك يا عمري 
ادهم 
_انت قلتي ايه 
سلمى وقد غلبها النعاس 
_انا عاوزة انام 
ادهم متذمرا 
_لا سلمى قوليها اول حرام عليكي 
سلمى هامسة 
_بلاش طمع كفاية مرة واحدة ..سبني انام 
ادهم وهو يقبل راسها 
_نامي يا حياتي ولا يهمك 
وعندما هم بالخروج وجد من تتعلق بيده هامسة وهي شبة نائمة 
_ب..حب..ك
ادهم 
_وانا بمۏت فيكي ...وسلام بقى عشان لو قعدت شوية كمان هتهور وشكلنا هيبقى وحش في المستشفى 
فضحكت سلمى وهي تستسلم لغفوتها من أثار المسكن فخرج ادهم من غرفتها لتنقلب ابتسامته فورا لعبوس شديد حتى اغلق عينيه لثواني وهو يشعر بالقهر لما ستضطر لمواجهته خلال اسبوع ولكنه لابد ان يتماسك حتى يستطيع مساعدتها في الايام السوداء القادمة لا محالة .
مر الاسبوع سريعا حاولت سلمى اقناع ادهم بالسفر من مطار القاهرة حتى يتمكنوا اهله من رؤيته قبل سفره ولكنه رفض بشدة واصر على السفر من مطار شرم الشيخ وحدث ما تم التخطيط له كاملا بمجرد ركوبهم الطائرة واقلاعها حتى اتجه ادهم لغرفة المضيفات غاب بها قليلا وعاد ومعه كوب عصير لسلمى التي رفضته في بادئ الامر خاصة ان ذلك المړض قد اثر كثيرا على شهيتها ولكن باصرار شديد من ادهم خضعت له ووافقت على احتسائه مرغمة وبمجرد انتهاء الكوب كانت سلمى فقدت الوعي تماما بعد ان وضع ادهم بالعصير مخدرا سيبقيها مخدرة لعدة ساعات وهو الامر الذي اخبر به المضيفات متعللا انها لديها رهاب الطائرات ..
وليس خافيا على احد ان ذلك الاجراء كان بالاتفاق مع الدكتور طارق العريني والذي بمجرد وصول الطائرة للمطار حتى كان هناك سيارة اسعاف مجهزة لنقل سلمى الغافية مباشرة الى المركز وفي اثر السيارة كانت سيارة الدكتور طارق تلحقها بعد انجاز كافة الاجراءات على وجه السرعة فليس الدكتور طارق العريني بالشخص الهين في البلاد .
في المركز كان الجميع على قدم وساق لاستقبال احدى المريضات التي تتبع مباشرة للدكتور طارق والذي كان اجرى اجتماعا طارئا قبل وصول ادهم وسلمى لاعلام الجميع ان الدكتور ادهم وزوجته من الشخصيات المهمة جدا لذلك امر الجميع بان يكونوا على اهبة الاستعداد لاي طارئ خاص بها .
بعد وصول سلمى للمركز واطمئنان ادهم عليها توجه مع الدكتور طارق لغرفة مكتبه والذي سأله 
_ها ..اطمنت على مدام سلمى 
ادهم 
_ايوة انا مش عارف اشكرك ازاي يا دطارق 
طارق 
_مفيش شكر بين الاخوات يا ادهم ...وبطل دطارق دي انا مش اكبر منك بكتير هما كلهم 7أو سنين يعني مش كتير 
ادهم 
_انت اكبر مقاما واخلاقا يا دكتور 
طارق 
_لسة زي ما انت ...اخلاقك نادرة في الزمن ده يابني والله ..المهم هنعمل ايه دلوقتي 
ادهم بجدية 
_اولا انا عاوز اقعد مع حضرتك عشان نحدد نظام ومراحل العلاج ...ثانيا كنت عاوز اعرف التكاليف كاملة ...ثالثا ...
طارق مقاطعا 
_استنى ..استنى ...انت داخل عليا حامي كدة ليه اهدى بس شوية ...اولا بقى نظام العلاج ومراحله هنحتاج نعمل اشعات وعملية منظار اول عشان نعرف المړض وصل لاي مرحلة وعلى اساسها هنحدد العلاج ...ثانيا بالنسبة للتكاليف فا انت ليك في المركز ولا نسيت 
ادهم 
_يا دكتور طارق لو سمحت ..انا ...
طارق مقاطعا 
_يابني انت ناسي ان ليك نسبة من الارباح السنوية بناء على ابحاثك اللي بنطبقها هنا 
ادهم 
_بس ..
طارق 
_مبسش ولا حاجة التكاليف هتتخصم من الارباح مفيش نقاش وملهاش دخل براتب شغلك الفترة دي هنا 
ادهم 
_متشكر يا دكتور 
طارق 
_ماقولنا بلاش رسميات بقى المهم ..انت هتقعد فين 
ادهم 
_انا مش هسيب المركز طول ما سلمى فيه 
طارق 
_كنت واثق انك هتقول كدة ..عشان كدة انا خصصت لمدام سلمى جناح فيه اوضتين وحمام داخلي عشان تبقى معاها ...بس دلوقتي لازم تبقى جنبها وتفهمها الموضوع بالراحة لانها هتتصدم 
ادهم وهو ينظر لساعته 
_عندك حق لازم ادخل ليها لان مفعول المنوم هيخلص كمان 10 دقائق ولازم اكون جنبها ..عن اذنك 
طارق 
_اتفضل
دخل ادهم الغرفة لسلمى وجدها غافية كما هي فجلس على مقعد بجانب السرير وهو يدعو الله من قلبه ان تمر تلك الفترة على خير ...بعد عدة دقائق بدأت سلمى تتململ في نومها محاولة استعادة وعيها فهب ادهم واقفا بجانبها منتظرا ان تستعيد كامل وعيها ليبدأحديثه معها فهمست بتلعثم من اثر المنوم 
_ادهم ...ادهم احنا فين ..وايه اللي حصل 
ادهم بهدوء 
_سلمى حبيبتي عاملة ايه دلوقتي 
سلمى وهي تتحسس جبينها 
_حاسة بدوخة خفيفة كدة ..بس احنا فين ...انا فاكرة احنا كنا ..كنا في الطيارة مش كدة 
ادهم وهو يجلس بجانبها على الفراش ويقبل رأسها هامسا 
_حبيبتي لازم تعرفي ان أي حاجة بعملها او هعملها بعد كدة عشان صحتك ومصلحتك يا سلمى ...ولازم تكوني متأكدة انك اغلى حاجة عندي في الدنيا دي 
سلمى بقلق 
_انا مش فاهمة حاجة ..انا فين 
ادهم 
_قبل كل ده انا عاوزك