رواية نوفيلا الفصل الثامن والاخير بقلم صديقة القلم

ما حسيت ان ابنك راجل واقدر اعتمد علية واتسند علية وعمري ما حبيتة لانة كذاب وانتوا خبيتوا علينا حقائق من حقنا نعرفها للاسف انتي ربيتي راجل بالشكل بس لكن شخصيتة محصلتش اي بنت .
مصطفي لحد كدة وكفاية انا كنت مستني بنتي تقول لاة انا هدخل اجيب حاجتكوا وكل شئ قسمة ونصيب.
ام سامي احنا غلطانين اننا جينا من الاول يالا يا سامي ولا مستني تسمع كلام تاني انت وابوك .
سامي لالا يا امي يالا نمشي .
سلوي مع السلامة واشكرك يارب نجدنا.
منة حضنت سلوي ومصطفي وقالتلهم انا كنت في سجن وكابوس محستش اني مستريحة غير لما قولتلهم الكلام دة بس وانا مقتنعة وبطريقتة دي عمرة ما هيتجوز لانة مش هيلاقي واحدة تصبر علية زي انا ما صبرت دة حتي مكلفش خاطرة يجيب هدية معاة وهو جاي بعد الفترة دي كلها .
سلوي كويس يا بنتي انك واخدة بالك من حاجات بسيطة زي دي لان هي دي الحاجات اللي بتفتح باب التعامل والإعجاب بين اي اتنين مرتبطين مع الكلام الحلو.
مصطفي اية اللي خلاكي تقولي لاة قبل فرحك بكام يوم.
منة كرامتي يا بابا انا صبرت علية كتير مامتة قاعدة بتتكلم وهو جنبها ساكت مالوش راي خالص مقدرتش استحمل التحكم دة ومقبلتش ولا كلمة علي كرامتي .. 
مصطفي الحمدلله ربنا اكيد لية حكمة احنا نقفل الصفحة دي ولا كأنها كانت موجودة ونرجع زي ما كنا لانة متتحسبش خطوبة.
سلوي عندك حق يا مصطفي ودلوقتي اقولك مبروك يا منة والله فرحانة من قلبي ومن كلامك اللي قولتية ...
مرت الايام علي منة بس للاسف الموضوع ساب جواها اثر مش كويس وبقي عندها خوف من أي ارتباط وفي نفس الوقت دة كانت ام سامي بتخطب لسامي ومافيش موضوع كمل معاهم وفي خلال سنتين بعد فسخ خطوبة منة وسامي منة اتقدم اكتر من واحد وكانت بترفض من غير ما تشوفة وفي نفس الوقت سامي خطب اربع مرات ولا خطوبة منهم كملت بالزواج..
منة تقريبا كدة اتعقدت وكان بيزيد دة لما تلاقي بنات قرايبها وفي نفس سنها اتخطبوا واتجوزوا عالطول .وكانت بتواجة كلام سخيف عقبالك يا منة وربنا يعوضك عن اللي فات ...
الكلام دة كان بيضايق منة وبيأثر في نفسيتها وبقت مامتها مش عارفة تعمل اية عشان تخليها تخرج من الحالة دي ...