رواية نوفيلا الفصل السادس بقلم صديقة القلم

مع ام سامي انتي صعبانة عليا ههههههههههه
منة ههههههههههه لاة متخافش عليا 
محمد وسامي عامل اية معاكي 
منة كويس هو انتوا هتستلموني ولا اية انا هقوم وكملوا اللي بتعملوة يالا أصبحوا علي خير.
منة خرجت من عند اخواتها وهي بتفكر في كلامهم ونفس الكلام اتقرر مع مامتها وهي فاهمة كويس كل حاجة بتحصل حواليها بس مستنية تشوف الآخر وكأنها بتتفرج علي مسلسل هي البطلة والمخرج للمسلسل دة وطبعا المنتج ام سامي ....
نامت منة وعقلها مليان بالافكار وكانت دايما تبص في موبايلها علي امل انها تصحي في مرة تلاقي سامي باعت رسالة يقولها وحشتيني أو نفسي اسمع صوتك أو حتي صباح الخير..لكن للاسف دائما كان مخيب آمالها ودة كان بيخليها تزيد احباط بينها وبين نفسها اكتر ...
الغريب بقي ان المناسبات اللي كانت بتيجي عليها سواء رمضان أو عيد ميلاد أو عيد حب او أي مناسبة المفروض سامي خطيبها يبقي معاها فيها ولو بالتليفون للاسف مكنش بيبقي موجود وكانت ام سامي هي اللي كانت بتزورها من وقت للتاني بس للاسف كانت بتروح ايد ورا وايد قدام ولا حتي عيد ميلادها مكلفتش نفسها تجيبلها هدية وكانت بتروح تقعد معاها شوية وتمشي وكل دة وبردة منة متكلمتش ولا قالت حاجة ...
سامي اتصل تاني يوم بمنة وأتكلم معاها بس منة كانت قررت انها هي اللي تفتح كلام معاة يمكن يكون خجول أو هي السبب لأنها معرفتش تعودة عليها...
سامي صباح الخير ازيك
منة ازيك يا سامي 
سامي اية دة
منة في اية
سامي طريقتك مختلفة النهاردة 
منة مختلفة ازاي
سامي مش عارف بس حسيت
منة هو انا ينفع أسألك سؤال
سامي اة طبعا
منة انت شايفني ازاي
سامي يعني اية
منة يعني انا اية عندك
سامي خطيبتي 
منة بس كدة مش شايف حاجة تانية فيا 
سامي بالعكس انت بنت جميلة ومتعلمة تعليم عالي ومؤدبة وقنوعة واي شاب يتمني يرتبط بواحدة زيك.
منة طب ممكن افهم كذا حاجة حصلت ومحدش هيقوللي الحقيقة غيرك
سامي اة طبعا اتفضلي
منة لية مردتش تجيبلي شبكة في الاول ولما جبت انت جبت بسعر قليل جدا وانا والله مش فارق عندي الفلوس بس بتكلم عالمبدأ واللي اعرفة أن انتوا ماشاء الله أثرياء .
سامي وانا اضمن منين اني لو اتكلمت معاكي بصراحة متروحيش تقولي لاهلك وتعمللنا مشاكل.
منة اناااا استحالة هعمل كدة ودة وعد بس محتاجة افهم.
سامي ماشي هقولك عشان تستريحي بس انتي وعدتيني.
منة وعد صدقني.
سامي اول الحكاية أن انا كنت خاطب من فترة قريبة 
منة كنت خاطب
سامي اة وكنا خلاص اتفقنا علي كل حاجة والبنت كانت كويسة بس شخصيتها كانت قوية وكل حاجة كانت عايزة تقول رايها فيها ودة معجبش امي واضايقت منها اكتر من مرة .
منة ازاي مش فاهمة .
سامي يعني عايزة تقول رايها في العفش والشقة والشبكة وكدة 
منة مم وبعدين
سامي مافيش نزلنا جبنا