رواية نوفيلا الفصل الرابع والخامس بقلم صديقة القلم

كل دة ومتعرفش أن حياتها هي ومصطفي تختلف عن حياة بنتها وان منة كبرت بينهم وشافت أن دة أسلوب تعامل مامتها مع ابوها وان مهما حصل مافيش حد بيعرف عنهم حاجة وكانت منة نفسها تطبق نفس كلام مامتها وعشان كدة كانت بتحاول متخليش حد يحس بحاجة بس منة بدأت تتعب وزيها زي اي بنت محتاجة حد يقولها كلمة حلوة وخصوصا من خطيبها لان ربنا حلل دة ومش حرام وفي كل مرة كان سامي بيكلم منة كانت المكالمة عبارة عن سلامات مافيش اي رومانسية ولا عاطفة ولا مشاعر ولا حتي مغازلة من خطيب لخطيبتة خصوصا أن منة صوتها ناعم ورقيق وهي اصلا كيوت ودلوعة جدا ....
ام سامي اتصلت بمنة وكلمتها فون.....
ام سامي ازيك يا منة 
منة الحمد لله ازيك ماما الحاجة 
ام سامي الحمد لله يا حبيتي سامي قاللي أنة كلمك 
منة هو قال لحضرتك 
ام سامي اة طبعا عمرة ما يخبي حاجة عني 
منة اة هو كلمني فعلا
ام سامي كويس بقولك جهزي نفسك بكرة عشان هاخدك ونروح تشوفي شقتك 
منة انا وحضرتك 
ام سامي اة مش انتي اللي هتتجوزي فيها .
منة اة طبعا بس قصدي ماما وبابا اكيد هيبقوا معانا
ام سامي مالوش لازمة هروح انا وانتي بس في الاول وبعدين لما الفرح يقرب نبقي ناخدهم .
منة طب انا هقول لماما بس واستأذنها .
ام سامي دي بتاعتك بقي انا قولتلك وانتي حرة .
منة حاضر 
ام سامي مع السلامة
منة قفلت مع ام سامي وهي مش فاهمة اية اللي بيحصل ولية مش ماشي الموضوع طبيعي زي باقي الناس ومعقولة كل تحركاتها هتبقي مع ام سامي وكأن سامي مالوش اي رأي بالمرة ...
منة خرجت وراحت تقول لمامتها عن المكالمة ...
منة ماما في حاجة كنت عايزة استأذنك فيها .
سلوي اية يا منة قولي 
منة حكت كل المكالمة
سلوي يعني اية تروحي لوحدك هو انتي مالكيش اهل 
منة هي قالتلي هتروحي بعدين .
سلوي انا هعمل حسابي وجاية معاكي هي عايزاكي لوحدك لية مش فاهمة !!!
منة معرفش 
سلوي مالكيش دعوة انتي وانا جاية معاكي ياما مالوش لازمة المشوار وخلينا نخلص بقي ..
منة دخلت اوضتها وهي متأكدة أن كلام مامتها صح بس هي مش عايزة مشكلة تحصل ...
جت ام سامي في الميعاد اللي اتفقت علية مع منة عشان تاخدها للشقة وتتفرج عليها لكن اتفاجئت أن سلوي جاية معاهم وكانت مضايقة جدا بس مقدرتش تتكلم وراحت سلوي ومصطفي منة وام سامي عشان يشوفوا الشقة...
وكااااااانت المفاجئة لما وصلوا الشقة ......
رجعنا من الفلاش باك وسرحان منة في اللي حصل معاها وأنها بتسأل نفسها يا تري هي صح ولا غلط ودخلت عليها سلوي قالتلها يالا عشان هننزل نشتري حاجات عشان فرح بنت خالتك ..
نزلت سلوي ومنة يشتروا فساتين وكانت سلوي عايزة منة تعيش
سنها وخصوصا انها لسة في بداية العشرينات وكذا حد كان بيبقي معجب بيها سلوي جابت لبنتها منة فستان فيروزي سيمبل جدا ويبين رقة منة ورشاقتها وجمالها عشان منة نفسيتها تتعدل وبقيت تقولها ارقصي وافرحي مع بنات خلاتك واخواتك انتي لسة صغيرة وبدري عليكي الهم دة وانتي مش اول واحدة يحصل معاها اللي حصل ولازم نمر بمواقف عشان نتعلم منها وهي دي دروس الحياة ..
رجعت سلوي ومنة البيت بعد لما اشتروا كل احتياجاتهم ودخلت منة اوضتها وقعدت تتفرج علي الحاجات اللي جابتها وفي الاخر قعدت علي سريرها ورجعت سرحت تاني في اللي حصل معاها وحكايتها.....
فلااااااااش باااااااك......
منة ومصطفي وسلوي وام سامي وصلوا لحد الشقة اللي منة وسامي هيتجوزوا فيها لكن اول لما دخلوا الشقة كلهم اتفاجئوا