رواية مختلفة 3 الفصول من الرابع عشر للسابع عشر بقلم ملكة الروايات

لذا حرصت على الاهتمام بالأطفال بمقدار كبير حتى لا تنجح بمكان على حساب اخر   
حتى عندما وجدت بعض المضايقات من استاذ سعيد لها إلا أنها أرادت أن تثق بنفسها وتتعامل هى معه لا أن تجرى تشتكى لحسام وبالفعل كان نجاحها هو ما يحد من غطرست استاذ سعيد معاها وبعد فتره كانت تراجع إحدى المقايسات  لتجد بها مشكله فتتوجه لحسام في مكتبه وقال بصوت عملى
حسام اخر تصميم هندسى لمجموعه مستشفيات  روبرت فورد  مقايساتها فيها غلط كبير 
قام حسام من على مكتبه وقال بجديه 
ازاى الكلام دا
قالت قمر 
اخر تقرير عندى عن خامات الكهربا المطلوبه بيطلب مواصفات والفاتورة الموجوده لمواصفات تانيه من حيث السمك والقوه
باختصار الخامه الموجوده متتحملش استهلاك الطاقة بتاع المستشفى ودا ممكن ېحرق ٧٠٪من اجهزت المستشفى المعتمده على التيار العالى أو يعمل حريق من الضغط الزايد على الوصلات 
بالإضافة إلى أن الأسعار في الفاتورة ثابته مقلتش يعنى كمان في سرقه لان الخامات الى موجوده سعرها اقل من الخامات المطلوبه بنسبه ٣٠٪ يعنى خساره ماديه وسمعتنا في التنفيذ
صمت حسام فتره ثم قال بجديه في سماعه الهاتف الداخلى. ابعتيلى استاذ سعيد
بسرعه 
وبالفعل في خلال خمس دقائق كان استاذ سعيد امامهم وقمر تعيد ما شرحته لحسام 
ليرتبك سعيد ويقول
المقايسه الاخيره الخاصة بتشطيب الكهرباء كانت مع الاستاذ هادى ومستر جيمس و انا مستغرب لأنها اول مره تحصل
فرد حسام عليه پغضب
ازاى اول مره وقبل كدا في مشروع شرم الشيخ حصلت مشكله مشابهه وانت قلت إنه خطأ تجميعى  انا نفسى اعرف مقارنه الخامات الى بنعملها شهريا دى بتتعمل ليه هاااااا عشان كل شويه أخطأ من النوعيه دى
دا غير لو كان حصل حاجه في المبانى بعد التسليم لخطأ راجع من تشطيبنا  عارف الكارثه الى هتحصلنا سمعتنا كلها هتضرب في السوق يا بنى ادم  
الاستاذه الى ارتكبوا الخطأ دا محولين للتحقيق واى مسئول عنه يتفصل فورا من توصيه زفت انت فاهم 
ارتبك سعيد وقال بصوت منخفض 
فاهم طبعا بعد اذنك
خرج سعيد والټفت حسام لقمر وقال 
قمر انا اعايز تقرير باخر مشروعات دخلتها الشركه من شهرين وأشرف على حساباتها مستر جيمس الزفت دا وعايز نسخ من الفواتير الخاصة بالخامات المستخدمة ونسخه من المقايسات للخامات المطلوبه وعايزك تعمليلى مقارنه بينهم 
ممكن 
ردت قمر بعمليه وقالت طبعا  ممكن وقبل ما ينتهى التحقيق هيكون التقارير عندك
حرك رأسه قليلا ثم أكمل
لو ممكن تبعتى استاذ محرم  عشان نتصرف بسرعه ونبدل الخامات الموجوده بالخامات المطلوبه  وبلغى المهندس المسئول عن المشروع أن كل التشطيبات  الباقيه هتكون تحت  إشرافه مش هعتمد على الأوراق النظريه انا عايز متابعه عمليه للمشروع
نظرت قمر للاوراق  ثم قالت المشروع من تخطيط المهندسه جيهان انا هبلغها بكلامك
ولكنه رد وقال
لا ابعتيهالى انا عايزها وبالمره هبلغها
نظرت قمر له وقالت
ابعت معاها استاذ محرم
ليرد حسام بعمليه
لا ابعتيها لوحدها الاول
ثم اتجه لمكتبه ورفع سماعه الهاتف الداخلى وقال. 
عايز ملف شرم الشيخ من عندك بسرعه
كانت قمر تتجه للخروج ببطى وقبل أن تفتح الباب التفتت وقالت
هو انت عايز جيهان في ايه
فرد حسام بعصبيه
اكيد حاجه في الشغل يا قمر  
لتضيق قمر عينها وترفع حاجبها وقالت 
طب ما اختصار للوقت ابعت استاذ محرم معاها
ضاق حسام من كلامها وخصوصا وهو في حاله التوتر هذه فرد عليها بصوت عالى قليلا
هو فيه ايه ياقمر بقولك عايز جيهان اكيد يبقى فيه شغل هندسى محتاجها فيه لأنها مهندسه زيي فهمتى ممكن تبعتيها عشان فعلا نختصر الوقت 
ڠضبت قمر من انفعاله وخرجت مسرعه وبعد دخول مكتبها أجرت اتصالا بجيهان تخبرها بضروره توجهها لمكتب حسام ووضعت ضيقها في عمل التقارير المطلوبه ومراجعه كل الحسابات لتفاجى أن الوقت سرقها وان معاد العوده مر من نصف ساعه لتتعجب أن حسام لم يكلمهاوتعجبت عندما علمت برحيله ولكنها وجدت عم حسن  منتظرها كالعاده ليعيدها للبيت
وبعد أن عادت توجهه لغرفته ولكنها لم تجده فاتصلت بيه ولكنه لم يجيب لتقلق جدا عليه وتجلس تنتظره بتوتر.   وبعد ساعه كان الاولاد عادوا من مدرستهم ويجلسون على مائدة الطعام يتناولون غدائهم ومازالت هى تحاول الاتصال به  إلا أن نفس النتيجة  حاصرتها لتضع الهاتف على المائدة وتبدأ في حمل الطعام وبعد أن انتهت وجدت كريم يحمل لها الهاتف ويقول
ماما الفون بتاعك بيرن 
فاخذته منه