رواية مختلفة 3 الفصول من العاشر للثالث عشر بقلم ملكة الروايات

ست كبيره وناضجه
وعارفه أن السبب الرئيسي من جوازنا اننا هنعيش في بيت واحد  وممكن يكون الى بينا اكتر من مسكت ايد والحاج صادق الله يرحمه  راجل عاقل وكان عارف كدا وعشان كدا فكر بحكمه وانا وافقته وانتى كمان وافقتيه حتى لو كان هدفنا الولاد بس انتى مراتى وانا جوزك  ولا ايه 
نظرت له بتساؤل وقالت
انت عايز ايه
نظر في عينها بمرح واقترب من اذنها وقال بهمس عايز نفض الاعتصام والاضراب الى بره دا قبل ما تقلب بمظاهره 
وابتعد عنها لينظر الى الخجل والصدمه التى على وجهها لتعلو ضحكاته  ويمسك بيدها ويشدها لتخرج للاولاد الذين ما أن رأوها حتى هللو لها بسعاده وصوت الملاعق يصدر من اصتدامه بالاطباق فابتسمت قمر وابتسم حسام لابتسامتها واقتربوا على مائدة الطعام سويا  وسحب حسام الكرسى لقمر وقال بمرح
مائدة الشيف حسام تتشرف بتواجدك سيدتى الجميله  فضحك يوسف الصغير من كلمات أبيه الفصحى وقال بنفس أسلوبه
نعم ولقد سعدنا جدا بتشريفك العظيم 
فنظرت له قمر بابتسامه وعملت أنه اسلوب خاص بينهم للمزاح كمسلسلات الكارتون فجارت الحديث قائله
بل أنا الاسعد من تجمعنا ذلك ومشاركتكم الطعام 
فوجدت كريم يردد هو أيضا
نعم ولقد سعدنا جدا بتشريفك العظيم
فنظرت قمر لكريم لتجد أن ابنها يتبع خطوات أخيه الأكبر بكل حب فابتسمت ورددت بمرح  اكبر  بل أنا الاسعد من تجمعنا ذلك ومشاركتكم الطعام فضحك الجميع وتشاركوا الطعام بسعاده  ومرح وكلمات فصحى ذات مزاق عربى لذيذ 
اما في مصر كان مصطفى مصمم على العثور على حبيبه عمره فدفع لمحقق كى يبحث ويعثر على اى امل لوجودها وبعد ثلاثة شهور كامله لم  يصل سوى على أنها  نقلت كامل رصيدها لحساب لها ببنوك امريكا ولكن لم تحوله أو تحاول سحب منه اى رصيد وهذا اغرب ما سمع كيف لم تسحب منه اى شى 
لم تحاول أن تستثمر أموالها في اى مشروع أو حتى تسحب منه دفعات للإنفاق على نفسها كيف يعقل هذا 
ولكن لا بديل ولا مشكله يوما ما ستحتاج لاموالها هو سينتظر ذلك اليوم بكامل استعداده
انت اټجننت يا حسن  عميل ذى دا خطا بسيط في تجميعت مقايسة مشروعه تخسر الشركه مليون ونص ليه اصرفها منين رفدت المحاسب المسئول   ميهمنيش انا بلغت العميل بقيمه المقايسه ومش هغير القيمه لان صورتنا وثقه العملاء بينا هتتهز انا ميهمنيش غير أن بكرا تكون عندى ارقام مقايسه سليمه لنفس المشروع وبنفس ناتج المقايسه الى عرف العميل بقيمتها  
اغلق حسام هاتفه وهو في قمه غضبه ثم ألقى بالهاتف والملف على مكتبه پحده وهو يقول
اغبيه  ومهملين اوووووف
فتدخلت  قمر بحزم ياالله يا ولاد على اوضتنا  نغسل اسننا ونتوضا ونام يالا بسرعه 
وبالفعل تحرك الاولاد على غرفتهم والتفتت  قمر الى حسام وقالت بهدوء  
فيه ايه يا حسام ايه إلى حصل يفلت اعصابك  بالشكل دا قدام الولاد 
مشاكل فى الشغل ياقمر انا اسف اتعصبت قدامك وقدام الولاد 
فقالت بهدوء 
معلش بس انا سامعه ان فيه تجميعه غلط بالمقايسه   و.. 
فقاطعها حسام بضيق مع تذكيرها له بالمشكلته وقال مسرعا
معلش يا قمر انا تعبان اوى وعايز ارتاح واخد شور سريع وانام بعد اذنك
دهشت قمر من أسلوبه وبفضول اتجهه نحو مكتبه وامسكت بملف المقايسه وراجعته ثم اتجهه نحو الحاسب   وبدأت بالعمل مر الوقت ولم تشعر قمر به فقد استمتعت جدا وهى تطبق ما درسته عن اقتناع ولم تجد الفرصه لتطبيقه
دخل حسام إلى غرفه مكتبه مبكرا ليتفاجى بها وقال بدهشه
قمر انتى صاحيه بدرى اوى كدا ليه وبتعملى ايه
فتثائبت قمر وقالت
انا اصلا لسه مانمتش من وقت ما سبتنى امبارح بس بصراحه محستش بالوقت 
بس انت الى صاحى بدرى ليه
رد وهو مازال يجهل  سبب تواجدها
انا عايز انزل الشركه واشوف حل لمشكلتى 
ردت قمر وقالت بهدوء
هو التصميم دا لقريه سياحيه
فرد حسام بنفاذ صبر 
ايوه في شرم الشيخ بس الظاهر انهم بيدلعو  هناك أنا أتفق مع المستثمر هنا وهما هناك مش عارفين يعملو مقايسه لتنفيذ تصميم المشروع 
فقالت قمر ببساطه
متزعلش نفسك انا عدلت المقايسه وعملت تجميعه جديده بنفس القيمه المطلوبه 
نظر لها حسام بدهشه وقال 
انتى بتهزرى بقول فيه فرق مليون ونص خساره لينا وانتى تقولى ببساطه عدلتها
قالت قمر بهدوء
اسمع بس هنا في ميزانيه التشطيب النهائي الأسلاك العازله للحمايه سمك ٢مليمتر و انا دخلت على جوجل وعرفت الاسعار لو استخدمنا اسلاك عازله سمك ٥١ دا هيوفر بالضبط  مليون وربع    وكمان لو عدلنا عدد حمامات السباحه الموجوده عندك من أربع حمامات سباحه و ست نافورات راقصه وعملنها خمس حمامات وخمس نافورات فدا هيوفر معاك في خامات التوصيل ومواتير دفع المياه ودا هيوفر معاك اكتر من الربع مليون الناقص وبكدا تكون عدلت المقايسه بنفس القيمه ولو حتى المستثمر رفض اى تعديل يبقى فيه حجه نغير قيمه المقايسه بدون خساره على حسب طلباته ويبقى بنفذ أوامر العميل
فرد حسام وقال بذهول انتى ازاى عملتى كل دا
فردت قمر بخجل وقالت
مادا تخصصى محاسبات وإدارة مشروعات
تعجب حسام منها