رواية جديدة جميلة

بسم الله
البارت الاول 
كانت تجلس مع والدتها تتابع اخبار مواقع التواصل الاجتماعي
مرفت يا بنتى هتفضلى قاعده كده لحد امته لامنك متجوزه ولا منك مطلقه ولا عارفين فين اراضيه 
منتهى قلبى بيقولى انه عايش وهيرجع تانى 
مرفت لو كان عايز يرجع كان رجع انما انتى بقالك ٤ سنين ماتعرفيش عنه حاجه ارفعى قضيه طلاق غيابى وعيشى حياتك انتى لسه صغيره مش هتضيعى عمرك كده مايمكن يكون ماټ 
منتهى هفضل كده لاخر يوم في عمري استحاله هعرف اشوف حد تانى قلبى بيقولى هيرجع وقريب اوى 
مرفت عارفه الدكتور اللى فى العيادة اللى تحت طلبك منى وراضى بظروفك وقال هيعتبر ابنك ابنه 

منتهى يا ماما لو سمحت ارجوكى كفايه كلام في الموضوع ده لانه محسوم بالنسبالى 
سابت والدتها ودخلت غرفتها وكانت بتشوف اخبار السوشيال ميديا والاقتصاد وفجأة ظهرت قدامها صوره زوجها 
منتهى قربت التليفون اكتر من وشها ايوه هو الچرح اللى فى حاجبه هو هو بس مين اللى معاه دى وراحت جرى على امها 
ماما يا ماما بصى كده 
مرفت ايه ده مش ده زهران جوزك اقريلى كده الكلام المكتوب ده 
منتهى رجل الأعمال عرفات وزوجته فى افتتاح فرع الشركة الجديدة في مصر مع نخبه من أكبر رجال الدولة
مرفت ايه ده هو اتجوز وغير اسمه وايه اللى قلب حاله كده مش يمكن شبهه يا بت 
منتهى لا لا لا اكيد في حاجه غلط ومش هو زهران استحاله يتجوز عليا استحاله يتخلى عنى انا وابنه حتى لو بكنوز الارض 
مرفت طيب وانتى هتعرفى ازاى إذا كان هو ولا شبهه وافرضى طلع شبه جوزك ومش هو هتعملى ايه 
منتهى بصى يا ماما فى الاعلان هنا بيقولوا انه فتح فرع لشركه جديده ومحتاج موظفين خبره وإن دى فرصه كويسه للشباب اللى بيدور على عمل وانه فتح الشركه لهدف خلق فرص عمل للشباب وان قريب هيكون ليها فروع تانيه ف مصر 
مرفت ايه ده هى ليها فروح تانيه غير مصر 
منتهى اه دبى 
مرفت لا ياختى اطمنى يبقى مش جوزك ده اكيد شبهه فبلاش تروحى وتيجيى وتتعبى نفسك واسمعى كلامى 
منتهى الكلام معاكى بقى كله على الجواز كده م شمعقول انا قايمه 
تانى يوم الصبح لبست منتهى واتشيكت وجهزت للنزول 
مرفت ايه ده انتى اتاخرتى على الشغل انهارده ومالك يابت متشيكه كده 
منتهى بصى بصراحه انا اخدت اجازه من الشغل 
مرفت امال رايحه فين كده 
منتهى بصراحه كده وبدون مقدمات رايحه اقدم فى الشركه بتاعت زهران او عرفات 
مرفت انتى ليه غاويه تتعبى نفسك كده جوزك الشحات ده هيلحق يعمل الهلومه دى كلها امته اعقلى ومتضيعيش شغلك من ايدك
ماصدقنا لقينالك وظيفه محترمه بمرتب محترم 
منتهى يا ماما الشركه دى كبيره ولو قبلت فيها هيكون بمرتب اعلى وكده كده مش هسيب اللى انا فيها غير لو قبلت فى التانيه دى 
مرفت انتى حره انا هسيبك تعملى اللى فى دماغك عشان ماترجعيش تقولى انى السبب
فى مكان تانى فيلا فخمه كان على الفطار عرفات وزوجته يسرى بيفطروا 
هاله هتتاخر انهارده برا 
عرفات لا يا حبيبتي ابدا انهارده مافيش اجتماعات هخلص مراجعة الورق وهاجى على طول بإذن الله
هاله ربنا معاك يا حبيبي
عرفات مالك يا يسرى من امبارح ساكته وحاسك قلقانه من شئ 
هاله لا أبدا انا بس كنت متوتره بسبب حفله امبارح والحمد لله إنها عدت 
عرفات طيب عدت وكانت رائعه الحمد لله اهو فكى بقى وكده وارجعى هاله حبيبتي
هاله وأنا كده مش حبيبتك
بقى كفايه تاخير لما حبيبه حبيبه ابوها تصحى كلمينى فديو وخلينى أصبح عليها ماشى يا حبيبتي
هاله ماشى يا حبيبي مع السلامه
وقابل نهله السكرتيرة بتاعته 
عرفات نهله انهارده فى ناس هتيجى تقدم هعمل انا ومؤمن المقابلات
وعلى مايبدا معاد المقابلات ابعتيلى اى ايميلات وصلت 
نهله حاضر يا فندم
نهله اه وصل حالا وبلغنى ان حضرتك وهو اللى هتعملوا الانترفيو
مؤمن تمام قبل ماتدخلى اى حد بلغينى 
وصلوا المقدمين على الوظائف ومن ضمنهم كانت منتهى 
مؤمن وعليكم السلام
وبدأ مؤمن يسألها اسئله وكان جمبه عرفات مش قادر يتكلم بسبب صداع عصف بدماغه مره تانيه
مؤمن عرفات مالك فى ايه 
عرفات صداع صداع جامد اوي
زهران زهران انت كويس
مؤمن هنا بصلها وتنح وعرفات اغم عليه 
اتصل مؤمن بالدكتور وقاله يجيى بسرعه 
مؤمن مين انتى وزهران مين اللى بتتكلمى
عنه
منتهى ده زهران جوزى انا واثقه ان هو بس هو ماله 
مؤمن لا ده واضح انه موضوع طويل
دخل الدكتور وقال انه حاول يتذكر حاجه هى اللى عملت كده واداله مهدئ 
منتهى هو ماله
مؤمن فاقد الزاكره عرفات صاحبى وكنا مسافرين مع بعض وحصلتله حاډثة كبيره فقد فيها الزاكره بتاعته 
مؤمن انتى بتقولى انك مراته 
منتهى ازاى بتقول صحبك ومقالكش انه متجوز وعنده ولد 
مؤمن انا عرفته وقت الحاډثة
كان فى عربيه
خبطته وجريت وانا لحقتها واخدت الارقام بسرعه وبلغت عنها ولما عرفات فاق مكنش معاه اى اوراق او اى حاجه نقدر نعرف بيها هو مين 
ومن وقتها بقينا صحاب
منتهى طيب ساعدنى افضل معاه لحد يفتكرنى مش عشانى حتى عشان ابنه ارجوك 
مؤمن بس كل اما يشوفك وقتها ممكن نضغط على اعصابه ممكن لا قدر الله يكون فى خطړ على حياته 
مؤمن انتى طبعا عارفه انه متجوز دلوقتي 
منتهى والدموع فى عنيها اه عرفت 
مؤمن وعنده بنت عمرها سنتين
منتهى وعنده ابن عنده خمس سنين مايعرفش عنه حاجه وعنده زوجه اولى مستنياه بقالها ٤ سنين 
مؤمن بص فى السى فى بتاعها وحفظه بسرعه 
مؤمن دى السكرتيرة بتاعتى وكانت ماسكه شغلنا احنا الاتنين لحد ما واحده تيجى جديده انا هقوله انى محتاج نهله وهخليكى انتى معاه اتفقنا 
هاتى رقمك بسرعه قبل مايفوق عشان نتفق هنعمل ايه الفتره الجايه 
منتهى سابتله رقمها 
وقتها كان عرفات بدأ يفوق 
مؤمن حمد الله على السلامه
عرفات حصل ايه
مؤمن شكلك كنت بتحاول تفتكر حاجه وضغط على اعصابك بعت جبت الدكتور الخاص بيك 
رجع تانى عرفات بعينه على منتهى 
مؤمن مدام منتهى هتكون السكرتيرة بتاعتك انا عملت معاها انتر فيو وعندها خبره كبيره جدا وبإذن الله هنستفاد من شغلها 
عرفات طيب تمام 
اثناء حديثهم تليفونه رن وكانت هاله وبتتصل فيديو كول فتح عرفات المكالمه
عرفات حبيبه حبيبت قلب بابى صحيت 
هاله اول ماصحيت سالت عليك 
عرفات عن ازنكم وسابهم وراح يتكلم فديو مع بنته 
مؤمن هو بيحب الاطفال ومتعلق ببنته او بكره لما يفتكر ابنه اكيد هيحبه برضو
منتهى هستلم الشغل امته 
مؤمن من بكره بإذن الله
رايكم يهمنى اكمل ولا
جراح لا تنسى برجاء عدم النسخ 
الكاتبة أمانى السيد 
البارت الثاني
خرجت منتهى من الشركه وصلت البيت 
مرفت ها عملتى ايه 
منتهى اتقبلت فى الوظيفه الحمد لله وبضعف المرتب كمان 
مرفت وطلع هو جوزك
منتهى لأ يا ماما فى الحقيقة شكله غير الصوره طلع مش هو 
مرفت وانتى هتفضلى متعلقه كده 
منتهى ماما ادينى بس شويه وقت ارجوكى من غير ضغط ووقتها انا هقولك قرارى 
مرفت ماشى يا منتهى هديكى وقتك لما نشوف اخرتها ايه وناويه تعملى ايه فى شغلك القديم هتقدمى استقالتك منه 
منتهى لا هاخد اجازه طويله بدون مرتب عشان لو مارتحتش ارجعله تانى 
مرفت طيب اذا كان كده ماشى 
عند عرفات عشان الناس اللى اتلغبطت زهران هو نفسه عرفات بس فاقد الذاكره 
وصل البيت بعد يوم شغل طويل دخل لقى هاله سرحانه وحبيبه بتلعب قدامها بالالعاب 
عرفات سلام عليكم
هاله فاقت من سرحانها وعليكم السلام
عرفات لسه برضه قلقانه 
هاله لا ابدا 
عرفات هاله احنا من وقت ماعرفنا بعض واحنا متفقين على الصراحه انا عايزك تكونى صريحه معايا ايه اللى قلقك كده ومخليكى دايما سرحانه 
هاله انا خاېفه 
عرفات من ايه بس 
هاله بصتله بحيره بس قررت تواجهه خۏفها عرفات انا معرفش ماضيك ايه إذا كنت خاطب مرتبط عندك اهل ملاكش حد فاهمنى انا خاېفه الاقى واحده تيجى تقولى انها خطيبتك ولا مراتك ساعتها هتعمل ايه 
عرفات بصى يا هاله تفتكرى لو كنت خاطب وغبت ٤ سنين هرجع الاقيها مستنيانى من غير ماتعرف عنى حاجه اكيد لو كنت خاطب زمانها اتجوزت ولو كنت متجوز اكيد زمانها اطلقت غيابى وشافت حالها مين هيوقف حياته عشان حد مايعرفش اذا كان عايش ولا مېت انا بقى كنت قاصد الظهور فعلا عشان لو عندى اهل يظهروا ويسالوا عليا فالقلق مالوش داعى 
هاله حست براحه بعد كلامها مع عرفات 
فعلا انت عندك حق انا كنت متوتره زيادة عن اللازم بس ده من حبى فيك 
عرفات ولا يهمك اهم حاجه بعد كده تكونى صريحه معايا وعن اذنك بقى اما شوف حبيبه قلب ابوها عامله ايه معطلانى عنها 
هاله هسيبك معاها واروح اخليهم يجهزوا الغدا
عند منتهى بعد الغدا لبست
ولبست بنتها
مرفت هارجه ولا ايه 
منتهى اه يا ماما راحه عند حماتى
ازورها واخلى احمد كمان يزورها عشان هو وحشهم اوى 
مرفت طيب بس متتاخريش
منتهى حاضر 
خرجت منتهى وابنها ووصلت عند حماتها واستقبلوها احسن استقبال
ام زهران عامله ايه يا حبيبتي واحمد عامل ايه
منتهى احنا بخير الحمد لله
ابو زهران عامله ايه فى شغلك 
منتهى سبته واشتغلت في شركه تانيه 
ابو زهران وسبتيها ليه حد ضايقك ولا ايه 
منتهى لا ابدا يا بابا بس عايزه اقولكم حاجه بس ارجوكم اتصرفوا بحذر 
ام زهران فى ايه يا بنتى قلقتينا 
منتهى لا بالعكس ماما زهران عايش وموجود وانا شفته واتكلمت معاه 
ام زهران ايه بتقولى ايه ولما هو عايش سايبك متعلقه الفتره دى كلها ليه وليه مسالش عليا انا وابوه طيب وابنه ابنه مافتكروش 
منتهى بصى يا ماما زهران فاقد الزاكره عمل حاډثة هلته مش فاكر حاجه وعلى فكره يا بابا زهران صاحب الشركه اللى انا بشتغل فيها واسمه عرفات 
ابو زهران وانتى عرفتى الحاجات دى كلها ازاى 
منتهى حكتله كل اللى حصل في الشركه وكلامها كمان مع صاحبه 
ام زهران يا حبيبي يا بنى يعنى كان لوحده وهو تعبان وعامل حاډثه فاكر فاكر لما قلقتلك قلبى وجعنى عليه 
ابو زهران اه فاكر المهم خلينا فى دلوقتي احنا هنعمل ايه نروح نعرفه نفسنا ولا ايه اللى هيتم 
منتهى لأ طبعا لان ممكن يكون في خطوره على حياته انا هتكلم الاول مع مؤمن صاحبه واحاول اتواصل مع الدكتور واعرف حالته عشان اقدر اتعامل معاه واخليه يفتكرنى وبعدها اكيد هيفاكر كل حاجه
ام زهران طيب امك عرفت 
منتهى لأ طبعا انا خبيت عليها عشان ماتتضغطش عليا الفتره الجايه انى اواجهه او هى ممكن تتسرع وتروحله وانا معرفش ايه اللى ممكن يجرا وقتها 
ابو زهران كويس انك فكرتى كده انا عاذرها برضه هى نفسها تطمن عليكى وبإذن الله ترجعى تانى انتى وهو 
منتهى فى حاجة تانيه عايزه اقولهالكم 
زهران متجوز وعنده بنت اسمها حبيبه 
ام زهران ياربى يعنى يبقى ابنى عايش ومش عارفه اكلمه اطمن عليه ولا حفدتى
ابو زهران تدارك حزن منتهى
معلش يا منتهى اكيد لو كان
بكامل وعيه ابدا مكنش يفرط فيكى انا مش عايزك تلومى عليه دلوقتي انتى عارفه هو كان بيحبك ازاى ومتعلق